Diweddariad ar y Tabernacl Ebrill 2026
- hwbaberteifi
- May 11
- 1 min read
Trist yw cyhoeddi marwolaeth un o'n cefnogwyr mwyaf selog a gweithgar sef
Kathleen Martin. Roedd hi’n wyneb adnabyddus o amgylch y dref, bu’n flaengar
mewn nifer o sefydliadau a chymdeithasau gan gynnwys y Siop Lyfrau Gymunedol,
Cymdeithas Aberteifi, JigSo a'r clwb croquet lleol. Bydd Hwb Aberteifi yn colli ei
chyfraniadau a’u gwaith diwyd.
Diolch i bawb a ddaeth i'r bore coffi ar ddydd Sadwrn Barlys. Bu’r sgyrsiau yn gyfle i
ni rannu ein cynlluniau a’r datblygiadau diweddar yn ogystal â’r defnydd cyfredol o’r
adeilad. Rydym yn obeithiol y gallwn gychwyn yn fuan ar wella cyflwr allanol yr
adeilad a’r newyddion da yw bod gennym gynnig rhagweithiol ar gyfer grant gan
CADW ar gyfer y gwaith. Y cam nesaf fydd sicrhau cyllid cyfatebol cyn ein bod yn
bwrw ati.
Yn y cyfamser, mae gweithgareddau'r Festri dop yn prysuro gyda nifer o grwpiau yn
awyddus i ddefnyddio’r gofod. Os oes gan gymdeithasau neu elusennau ddiddordeb
mewn defnyddio’r stafelloedd ar gyfer bore coffi neu gyfarfod, cysylltwch ag unrhyw
un o’r pwyllgor neu hwbaberteifi@gmail.com.
Rydym yn chwilio am aelodau newydd i ymuno a’r pwyllgor yn enwedig os oes
gennych arbenigeddau mewn cyllid, pensaernïaeth, codi arian neu materion
cyfreithiol. Cysylltwch ag unrhyw un ohonom neu defnyddiwch y cyfeiriad e-bost
uchod.
