Diweddariad ar y Tabernacl Mawrth 2026

Ar wahân i’r Pasg, y digwyddiad mawr ym mis Ebrill yw Dydd Sadwrn Barlys sydd ar

Ebrill 25. Hoffwn eich gwahodd i gael paned o de neu goffi gyda ni yn y festri o

10.00 -12.00 yn y bore er mwyn i chi cael eich diweddaru am y datblygiadau hyd

yma. Nid yw hynny’n golygu bod popeth yn y festri wedi’i gwblhau; mae dal llawer i’w

wneud megis peintio a thynnu’r carpedau i fyny a byddwn yn anelu i wneud hynny

ym mis Awst. Ond mae’r festri yn addas ar gyfer cynnal dosbarthiadau addysg

oedolion yn fuan wedi’r Pasg yn ogystal â chynnal sesiynau i gefnog pobl sy’n byw

gyda dementia. Mae’r prosiect hwn yn dechrau ar Ebrill 15. Bydd pobl hyfforddedig

yn trefnu’r gweithgareddau sy’n galluogi’r gofalwyr i gael dwy awr o hoe o’u

dyletswyddau gofal.

Rydym yn disgwyl yn eiddgar am ganlyniad nifer o geisiadau grant fel y gallwn fwrw

ymlaen gyda phaentio ac adnewyddu tu allan y capel a byddwn yn clywed deilliant yr

un cyntaf ar Ebrill 8. Rydym hefyd wedi gwneud cais am grant Trawsnewid Trefi a

bydd y penderfyniad ynglŷn â’r grant yma yn cael ei rannu ar ddiwedd Mai.

Yn y cyfamser, mae History Ventures yn paratoi astudiaeth dichonolrwydd a

chynllun busnes ar ein rhan fydd ar gael ddiwedd Ebrill. Bydd yr adroddiad yn

cynnwys nifer o argymhellion a byddwn yn rhannu'r rain a gofyn am eich barn. Yn y cyfamser, edrychwn ymlaen at eich gweld ar Ebrill 25.